POWER BANK BELCHIANG ANG AW.

Rinmawia Hnamte

Khawvel changkanna in min kalpui mek na ah kan Phone a hlai tulh tulh a, Charge angai zing tulh tulh bawk a.Chutihrualin kalna apiang ah ak pah a charge theihna pawh alo awm ve leh zel a chu thil lar mek chu kan hmelhriat zawk nan in sawi zau deuh ang aw.
Power Bank chu Battery tho phone charge nana hman leh theih ti ila a dik awm e. Curent hmang in a charge theih a, a khawl khawm a, chu chu khawi ah pawh Phone charge nan a hman leh theih ani. Chuta pawimawh tak chu battery pangai ang tho in mAh a tam em tih hi ani. ( Company a zir ni vethei bawk a, duplicate a awm ve nual bawk)

mAh chu Mili Ampere Hour tihna a ni a, Curent khawl theihtam zawng sawina ani.Kan inverter battery te hi en ila 120Ah emaw 150Ah a in ziak hlawm ang. Ah chu ‘Ampere hour’ tihna ani a, Battery thenkhat a ‘mA’ a hi chuan mili Ampere hi chuan Ampere hmun sangkhata then a hmun khat tihna ani. Entirnan I Phone Battery 2500mAh chuan 2.5Ah a tluk tihna ani. Kan Batery lian 150Ah hi chuan Phone battery 2500 mAh hlir 60 vel atluk tihna ani.

Phone kan lei dawn chuan a Camera,RAM,Storage etc mai bak ah battery mAh tam hi a pawimawh hle ani, mAh in ang rau rau ah pawh ahmai ahlai pawh leh a power hman atam dawn a, battery a in hek hleih dawn tihna ani. Tin, Battery te pawh hi life cycle nei anih avang in charge chhen te hi a tlo lo duh a, Athente phei chu thlaruk emaw a tlin tawh hi chuan a ral chak em em tawh a ni.
Power Bank ah lut ta ila, ani pawh hi mAh alian apiang a daih rei a, ato bawk. Entirnan, I Phone battery kha 2000mAh lo ni tase, Power Bank 6000mAh a lian lei dawn ta la, vawi engzah charge nge a daih tih I hriat duh chuan he formula(an hman tlang lawn ber) hian han chhut chin la,

Power Bank (mAh) × Efficiency × Phone Battery Health ÷ Battery Capacity (mAh)
6000 × 0.8 × 0.8 ÷ 2000 = 2 charges (approximately)

Khawl thil re re hi 100% in hna a thawk thei ngai lo a, chuvangin efficiency 80% anga chhut ani a. Phone battery health pawh hi sawi tawh ang in I phone khan nitin hniam lama pan zel a, za a za hmang lo in 80% an hmang tlangpui.
Power Bank 6000mAh chuan charge full vek pawn I phone chu vawi 2 vel bak a charge full zo dawn lo tihna anih chu. I Phone battery kha en la, chuan engzah power Bank hi nge ka lei tha ang tih chu I chhut thiam ta.

Tichuan Online a tanga I chah dawn chuan uluk tak in zirchiang la, aman tlawm ringawt chah suh ang che, a duplicate a tam a, 10000mAh chin ah phei chuan sangbi chuang lo leh brand name mak tak tak chu lei loh a him ber(keipawn ka chah sual tawh a). Tin i lei hma in zirchiang hmasa la, an comment pek te uluk tak in chhiar la,midang a nei tawh te pawh zawt bawk thin la aw.

Power Bank kher lo pawh I phone battery te kha a daihrei zawk nan charge chhen lo in, a down hun ah chiah a tawk in charge thin la.A zawh rak thleng in dahlo la, tin zan khua ten charge lo bawk la. Bluetooth, data, Wifi,te a tullo ah chuan on reng lo in, Signal that lohna hmun ah chuaan off in emaw Flight Mode ah dah daih thin la. Tin Theme hmante, Live Wallpaper hman te ,Vibrate mode a dah te hian battery a hek zual bik.

ZORAM THAR LEH ZORAM LEILUNG HAUSAKNA.

Rinmawia Hnamte

Tunhma zawnga tianglam a zawhna dawng ta ngailo kha Kumkhat liamta atang khan zawhna te ka dawng ve ta fo mai a. Ka mimal ngaihdan kan ziak lang ve teh ang.

LEIHNUAI HAUSAKNA HI A AWM RENG EM?
Kan Zawlnei hmasa te, Zawlnei Saikhuma, Zawlnei Lalthlamuana, Zawlnei Thantluanga, Zawlnei Lianchhunga, Zawlnei Darthangpuia, Zawlnei Rengpuii ( Hengte hi ‘Mizoram Zawlneite Thupuan’ by Upa H Thangkhuma ziah atanga lang te an ni) te hian Hman atang tawh khan an lo puang tawh daih mai a. Lunghlu, Rangkachak te mai bak a,Tuialhthei (OIL) te phei chu luan a luang ang hial in an sawi. Oil/Gas te hi a nihna tak ah chuan Lui leh Dil anga luang leh Tlingpum an ni lo a, Lungkar kua vela awmkhawm ti ila kan hrethiam awm e .Amaherawh chu, Khawvel thiamna lama misang nilo in an dawn dan an sawi ani a a dik vek tho awm e.
Heng kan Zawlneite sawi hi a dik viau ani ang chu, Directorate General of Hydrocarbons (DGH), Ministry of Petroleum and Natural Gas Hnuai ami chuan NELP-VI (New Exploratory Licencing –VI) hnuai ah Mizoram ah Block thum an lo then a, (Hmar lam pang hi ONGC, Central lam hi Oil India Ltd leh Chhim lam hi Realiance ten an chang a), Leihnuai hausakna hi awmring ta lo se tiang hian tender te hi chhuah in an chhang ngam dawn em ni ang? Chu vang chuan engemaw tak hi chu a awm chu ani ngei mai.
OIL/GAS HI MILEM BANSAWM NEI HNUAI AH AN LAI CHHUAK DAWN LO EM NI?
Zawlnei te thupuan zing ah, Zawlnei Thantluanga hian,’Mizoram Leilung hausakna hi Lirnghing hmang a a in vawrh chhuahtur thu a sawi a’. Zawlnei Lianchhunga hian,’Leihnuai hausakna hi ramdang mite aia a let riata a pawn thu a sawi bawk a’. Tin, Zawlnei Saikhuma hian a puanchhuah a dang deuh hlek a, ‘Zoram leihnuai hausakna Lalpan a thuhruk hi ‘Milem Ban Sawm Nei’ hnuaia Zoram a awm chhung chuan Lalpa’n haichhuah a phal lo, a hunah haichhuah a ni ang.’ (http://saikhuma.blogspot.in/) he thu hi tunlai azawhna kan dawn tam ber ani awm e. A dik e dik lo e chu keipawn ka sawi theilo a, Kan Zawlneite thu hre ve lemlo Vaiho ten a an hnathawhdan leh an khawl te hi i han thlirzau teh ang.
Oil/Gas (kan hriatthiam dan ang in sawi mai ang aw) lai chhuak tur hian khawl mamawh atam em em a, a verhna tur khawl ha leh pipe te, generator lian, tiu dahkhawlna, Chemical dahna, Cement khawl etc te hi a pangai chin pawh hi Rs 600 Million chuang te ani a, a khawl len a tet a zir in a man adang lam ve bawk. Chutah hnathawk tur hi averhna ah hian Engineer chi hrang hrang leh Labour ten en hian mi Za vel inban lek reng angai thin, a ni vek kher lo bawk, a awmna a zir te in ani deuh bik. Chung hnathawk Pakhat te hlawh chu then chu thlakhat ah Rs 5000-Rs 200000 te ani hlawm bawk, A hautak zia chu akn hre thiam mai awm e sawi thui lo mai ang.

Zawlnei Saikhuma thusawi hi aril in ngaihtuahna a ti tam khawp mai,Milem Bansawm nei hnuai atih hi in hrilhfiahsiak dawn ila, chi hrang hrang in kan hrilhfiah thei awm e. A dawngtu ber lah in asawi zau si lo a. India ram chhunga kan awm chhung hian a tihna nge, Vai ho khawl anih chhung in nge, Vai Engineer ho thuhnuai ah nge a hriat tawh silo a. Milem Bansawm a tih hian Hindu ho a sawina hi alo ni em tih pawh kan hre bawk si lo. Englekhawle, ti zawng hian ngaihtuah leh teh ang, Alaihchhuah phalna leh thil dang eng eng emaw chu lo dahtha ta ila, a verhna khawl lam ringawt hi lo sawi ta ila. Kan sawi lan tawh ang hian a khawl man pawh khi neizo Mizo lo awm tase, A enkawl tu tur Mizo kan la awm lo phawt. Tiang Company lamh Mizo thawk leh senior te hi chhiar dawn ila Kutzungtang thliak chhiar tham bak an la ni meuh lo. Mechanical Engineer, Electrical , Instrumentation, Geologsist, Chemial, Chemist etc val engemaw zah angai lehkhathiam rual tam mah ila experiace kan neih in ala daih lo ve bawk si, Helam chu duhtawk hrih leh teh ang, Mizo hlang in thawktur chuan tun kum 4/5 mai hi chuan angaihna a awmlo Mihring dan ah.
Vai ho enkawlna, khawl hnuai ah hian laihchhuah lohtur tihna em ni? Nge Kan Zawlnei in ‘haichhuah’ atih tak hi kan man fuhlo zawk aw. ONGC chuan Meidum ah Gas a awm ngei tih an hre tawh a. Oil India Limited pawn Maubuang ah Beiseina sangtak nen an verh mek ani. (Oil/Gas awm nia an hriat an verhna ah hian a lo awmvek kher lo ve bawk, an verh phot loh chuan a awm ngei ngei an ti ngam biklo, mahse an lo hmuh tawh chuan, a bul hnaia an verh leh te ah hi chuan a awm ngei tih hresa in an verh thin,Maubuang pawh saw a awm ngei ngei an ti lo a, awmni an hriat ah an verh ani.) Oil/Gas pawh hi tun ah lo hmuse, a hlawkna te tel a, anih ang ni tur tak tak chuan kum 5/10 chuang ala mamawh, Chumi anih avang chuan kan Zawlnei hian, alai chhuaha a awmna zuk hriat ngawr ngawr nilo in,a hlawkna kan tel hun hi ani thei em tih pawh kei pawn ka hre thiam chiah lo ani e.
Engpawhchu lo nise, Zawlnei ten an puanchhuah hi a dik e, diko e ti thei kan awmlo. Amaherawh chu, an thusawi denchhen a thil lo lak kawih vak maileh hmehbel tum vak hi a fuh ber em aw tih erawh in enfiah angai. Athawk lam hian thawk bawrh bawrh se. Kan rinthu lo sawi ni lo lo lo sawi belh vak hi chu i sim ang u.
Engpawh lo thlengin hmachhawn dawnila, midang sawisel leh phul bulh lo in, kei hi ka him em? Pathian tawk tur hian kei leh ka chhungte hi kan inpeih em tih hi i inzawt hmasa ang u. Lalpa remruat hi mihring thiamna leh theihna hmang in bawhpelh thei ani lo, chutih rual in mahni hriatfiah leh midang sawizau na awih a lo phuanvak lo hian Pathian hnenah hriatfiahna i dil ang u.

KA NU CHUAN..... I NU CHUAN....- I

KA NU CHUAN..... I NU CHUAN....- I

@ Ka Nu chuan Zing ah mei nun tur in min kaitho a, I Nu chuan gas a rawng a bawl zawh vek ah a kai tho che, a nuam awm bik.

@ Ka Nu chuan Chawei laiin Naupang tawng ve loh tur a tia, Chawhmeh pawh minsuah sak a,kan suah ve a phal lo, I Nu chuan Fian a hmantir che a i duh duh chawhmeh i suak a, I tawng vak vak a, a nuam awm bik

@ Ka Nu chuan Chawei kham ah Hmun te min Phiahtir a , thlengte min siltir a, I Nu chuan in awmpui te a tihtir vek zel, a nuam awm bik

@ Ka Nu chuan in ah A AW B min zirtir a, I Nu chuan Pre-school changkang tawk ah a dah daih che, a nuam awm bik.

@ Ka Nu chuan kan lehkhazir min menpui a, exam dawn ten min tawngtai thin a,zing tawk ah te min kai tho thin a,I Nu chuan Hostel nuam tak ah a dah daih che a a nuam awm bik.

@ Ka Nu chuan a lenna ah min hruai zel a, awmdan tur te min hrilh a, kan felloh in min hau thin a, I Nu chuan a lendawn ah in thenawma i thiante nen inkawmru atia pawisa a pe thin che a, a nuam awm bik..

---> Ka Nu chuan ka Naupan lai te hian min duatlo leh hmangaihlobik ah ka ngai thin,Mi fate ka awt thian. Mahse Ka nu min Hamngaihna leh enkawlna ang kha khawi University mah in an zir pha lo tih ka hre thiam ve tan chauh male.....>

ENG ENGINEER NGE INIH DAWN??

Rinmawia Hnamte

Class XII result te alo chhuak ta a. A tamzawk chuan Luh na college tur buaipui in kan hmanhlel tawh viau awm e. Class XII SC a bik in Engineer lam kal tum te tan a tangkai a nih theih nan leh kan hriat thiam theih nan mahni hriat ang tawk remchan dan ang in khan thai lang ve a nge.

Tu te nge Engineer zir anga, khawi ah nge an zir ang?
Engineer zir tur chuan ahmasa ber ah Maths thiam angai a, Chhiar piah lam ah a ziah chhuah peih mi, chhut peih mi, mi taima nih angai ani. A branch a zir in Hmeichhia leh Mipa lak chi te pawh thliar thiam angai bawk. College luhna chungchang ah Mizoram atanga Entrance kan exam te JEE, AIEEE etc kaltlanga kan tling kan kal theih anih chuan tha viau a, Pawisa chawi tlembak ah college a tha tlangpui. Private a kan zir dawn chuan Pawisa chawi atam a, tin Placement (Engineer zirzawh hma atang in College ah Company tam tak in, an hnuaia thawk tur zawng in college an va kal thin na) tha leh tha lo te chhut chian a pawimawh. Tin, Engineer zawng zawng hi atha vek a, Mahse, kan tuina,kan thawh tumna azirte in kan Branch zirtur erawh thlan apawimawh. A hnuai ah hian a larzual te han tarlang ila.


COMPUTER SCIENCE ENGINEER and INFORMATION TECHNOLOGY;

Computer khawih a Games khelh ringawt ani tawh lo a, Software lam te Programming(Computer Tawng) te thiam hle angai a. Computer Engineer tih vanga a chhe siam lam ni lo in, Hemg kan Mobile kan khawih theiha te, Games kan khelh theihna te, Online a form kan fill up theihna te, Online a kan bazar theiha zawng zawng te hi a chung kan sawi engineer te lo design chhuah vek ani a. Maths thiam te angai em em ani. Mizoram lama hna kan zawng dawn anih chuan Hna a tam lemlo khawp mai a. Mizoram pawnah erawh Company a hna tamna ber ti ila kan sawi sual lo ang.

ELECTRICAL ENGINEERING
A hming atang khian a chiang viau mai a, electric lam hlau leh tuilo tan chuan a zir chi loh mai thei. Class Xii Physics lam ah te Transformer te, Current AC leh DC tih te kan zir kha kan la hre awm e, Khang zir tui vak lo tan chuan a har duh fu zel. He Branch hi a har a, chutih rual chuan kan mamawh na a sang tulh tulh tawh a. Darkar khat pawh current a awmloh chuan kan phun nasat zia ngaihtuah ila, he subject pawimawhna chu kan hre thiam mai ang.Generator te, Solar Energy lam te, Khawl leh motor, Rail thleng in a tangkai vek ani. Mizoram lam ah pawh P&E Dept lam hian a khat tawk in AE/SDO hi anla ve thin a, tin Zirtirtu lam ah MZU, NIT lam ah te pawh an la mamawh zel dawn niin a lang. Amaherawh chu mi thiam, Master piahlam ah Phd thlenga ti thei te nih angaih hmel.

ELECTRONICS AND COMUNICATION ENGINEER
Kan in a Electric hmang khawl kan neih TV, Fridge, Mobile, Washing Machine, Inbiakpawhna hmanrua etc zawng zawng kha Electronics Engineer zirna hian ahuam ti ila a dik awm e. Thil te tak te, Kan Mobile chhunga sensor awm atang aSateelite thleng in a huam vek bawk a. Engineer Branch ah chuan a har ber te an ti thin a, Toys battery hmang emaw emergency lamp te kha hawng ila a chhung ah thilphek ah, bawl hrep hrup bawk te reuh te te (Capacitor, Transistor etc.) awm teuh kan hmu ang, khang zawng zawng te kha a huam vek
a. A zir tur hian Maths thiam mai bak ah thluak tha, taima, thil chhut peih nih angai. Zirchhuahh nu ah Mizoram lam ah bik chuan hna a la vang hrih hle.

MECHANICAL ENGINEERING
Khawl (Machine) lam leh Motor lam tui mi te chuan a tih chi viau mai, thawh tawrh tawrh ngai a tam hle a. Hmeichhe lak chi ani vak lo. Screw te reuhte atanga Thlawhna thleng in ahuam a, Chu mai bak ah, Motor te, Generator te, tin khawl hmang thir tan(Metal Cutting) leh thir/steel nihphung zirte, Thir verh te, khawl design te mai bak ah, Hnathawhna Company ah awlsam zawk athawh te, Hlawk zawk athawh te, khawl design te, a huam zau hle a. Rampawn ah pawh hna tam hle mai. Mizoram ah pawh company lo lut an tam mek a
hna atam chho tan mek a ani. Mahse mi thatchhe zir chi ani lo thung. Automobile engineer te pawh hi Mechanical te nen a in ang viau a, Motor lam a bika zirna ani thung.

CIVIL ENGINEERING leh ARCHITECTURE
An ni pahnih hi kan dahkawp na a, Civil engineer ah hian hna atam zawk mah a, Kawngpui laih,Field a phullem phah, swimming Pool siam te atanga Insak te thleng ina huam vek a, Mizorama awm tum chuan Zir afuhber awm e. Ram thang mek kan ni a, hna atam chho em
em ani.Civil engineer hnuaiia ha hian thiam na bik chi hrang hrang Master ah zirtur ala tam em em bawk ani. Architect pawh hia an pawimawh em em a, Insak tur a luah nawm dan tur te, insak piah lam khaw chhung lan nalhdan tur thleng in an tangkai em em a. Building lian tak tak sak dwn phei chuan Civil engineer te nan an thawk ho na sa thin ani. Kan aizawl ah ngei pawh hian insa tur chuan an ni pahnih a Degree neite hming sign na tello chuan AMC atang in insak an phal tawh lo hial ani.Kan mamawhna hi ala sang zel dawn niin alang. A chunga kan tarlan hi a larzual deuh te an ni a, sawi thuivak na hmun a awm si lo a, kimlo tak chungin Enginner zirtumte tan a idea neihna anih tak in kan han thailang ve a ni e. Enginner zir nih chu anuam, a ropui mahse zir nazawng in Degree an nei kher lo a,subject pass kim lo a, zirzawh tawh hnua exam that leh ngai an tam thin. Mi taim anih a ngai hle ani. Kum 4 chhung zir ani a (Architect hi kum 5 zir ania) Semester 8 ah an then a, semester tin ah hian a chawhrual in subject 8 vel awm ang ani a. In thlahdah hman ani lo. I tuina leh hna thatna lam tur zirla, Tawngtaina nen Pathian rawn chuang a I zir chuan I hlawhchham hauh lo ang.