THUFING TAWI

(Whatsapp lama ka dawn nai a, a ziaktu hming awmhi alang silo a, kan post tawp a nge)
🍀Thinrimin muhil ngai suh, a chhan chu nangmah emaw, i in hauhpui pawhin naktuk khawvar engmawi tak hi in hmu leh kher angem tih tunge hria?
🍀He khawvela i lo pian ve avang hian i thinrima, vawi tam tak i vui a ni maithei. Mahse, he khawvel i lo pian ve avang ringawt pawh hian mi tu emaw tan chuan hlimna i thlen tih hi hrereng rawh.i hlu a sin.
🍀Khuarei hi engchen nge ka hre hauh lova, a rei zawng lah a inang hek lo. Ka hriat chu hei hi a ni, hmangaihna hliam thuk tak ata damna pe theitu chu khuarei chauh hi ani tih hi.
🍀Ka hlawhchham ni a țawngkam hnih khat leka min fuihtu chu ka hlawhtlin ni a min fak chiamtu ai an hlu zawk.

🍀Heng thil pathum hi vawng reng ang che. I thinrim laiin mi chhanglet suh la, i hlim laiin thu tiam suh ang che. I lungngaih laiin thutlukna engmah siam ngai hek suh.
🍀 Nangmah ang hi tumah an awm lo , i tha ber tih inhria la, mi in an tehdan che avang in i rilru tina ngai suh ang che aw.
🍀Ngaina tu che chu tibeidawng lo la, a mamawhtu che tlan bosan lo la, a ring em em tu che bum ngai suh la, nangmah hrerengtu che chu theihnghilh ngai suh ang che.
🍀A tawp berah chuan, i Nu aia hmangaihtu che hi khawvel ah i hmu tawh ngai dawnlo tih hria la, hmusit ngai suh ang che. Pathian malsawmna dawng la, hringnun hian rah thlum tak chhuahsak che rawh se.
Chaweitui u le👍

I GAS HMAN LAI KHA

Kum 20 vel liamta kha chuan, rawngbawl nan Thing kan la hmang deuh fur awm e, tunah chuan khawihmun ah pawh kal ila LPG(liquefied Petroleum Gas) hmanga rawngbawl kanni deuh vek tawh awm e. Thil tangkai tak anih rualin, thil hlauhawm tak ani ve leh si a, kan lo hriat belh atan tlem a zawng thailang leh ang aw.



LPG , Gas tia kan sawi mai hi leichhungril a tanga laihchhuah ani a.Gas hian rim a nei lo a,Boruak kan tihmai ai hian arit zawk a. A lo leak vel te hriat mai a awl zawk nan chemical chikhat Ethyle mercaptan (ethanethiol) pawlh niin alo Uih ta ani.
Mizorama kan gas hmante hi Indian Oil Corporation Limited (IOCL) ta an ni a, Gas bur ah pawh hian Indane tih in ziak vek awm e, IOCL lo pawh hi HPCL, BPCL te pawh state dang ah chuan an awm ve a,an Gas Bur hman pawh a in ang lo bawk. Hmanni whatsapp vel a lartak, Gas bur lem tih pawh kha a lem ni lo in, BPCL bur ani a, Mizoram lam ah vai ho in a black a an lo ken ani , mahse leiloh ahim ber, abur kha IOCL ah gas bur dang lak nan ahmantheih loh. Gas bur chhung a awm hian air(Boruak) ang nilo in Liguid(Tuiril) in a awm a, gas bur atanga kan hman dawna Regulator kan vuah hmang hian Boruak ah lo in let leh a. Gas Bur leh Rugulator te hi IOCL ta ani a, nakin ah I gas connection I tihtawp leh duh hun ah,Agency hnen a security deposit pawisa I theh luh nen khan in thleng leh tur ani.
Gas I book khan Distributor hnen atangin Gas Stove, Lighter leh Pipe I dawng bawk a. Mahse, a lo reiin gas Stove leh Pipe te ilo thlak duh emaw, alo chhia anih pawn IOCL lam hian hmantur bik an ruahmana, gas stove a Indane tih inziak kher hman an duha, a nih loh vek pawn ISI chuang, distributor tena an pawm ngei chauh hman tur ani. Gas Pipe pawh hi Suraksha pipe LERC( LPG Equipment Research Centre) in a pawmpui kher hmantur anti bawk. An ni pawmpui hi thuah thum niin, a pawn ve ve ah rubber quality tha chi hmang in a lai ah Copper/Brass hmanga luan,thirzai in an zem chhuak vek a, a him bik em em ani. Bazar vela zawrh lei mai mai loh tur tihna anihchu.

Gas Agency te hian kum 2 dan ah I Gas hmanrua te a him tawkin IOCL recomend I hmang ngei em tih check ziah tur anni a. Inspection fee ah hian connection tinah Rs 70/- chawi ngai ani. Heng Regulator, Gas Stove leh Pipe ISI chuang,an pawmngei hmang chung pawh a, Gas avanga kangmei emaw harsatna I tawh chuan Distrubutor kal tlang ina a claim theih ani amawherawhchu IOCL pawmpui lo bungrua I hmang anih chuan engemaw vanduaina thleng palh thei thil ah pawh insurance hian a huam lo.

Tunlai subsidy hmang hian thu inkhar dawn teh ang. DBTL (Direct beneficiary transfer for LPG) hi kan hre theuh awm e,thenkhat lah in kan sawisel a, bank account ah pawisa a lut lo ti tawk lah kan bang lo. Hemi hmanga sawrkar in sum a hum nasat zia leh, black a zawrh tam lutuk a ven dan erawh kan chhutpui kher lo maithei. A hma kha chuan, gas card tel a kan lak emaw,Black a lo zuartuten a an lo leina pawh kha sawrkar lam in Gas thawnchhuak tu te lam ah a Subsidy a kha a chawi char char a. Mahse tun ah hi chuan, Gas kan lak in kan bank account leh kan Consumer number a in link tawh a, Rs 660/- (gas man hi thlatin vawkhat a danglam ve thin) zel Burkhat I lak khan (Kum khat ah bur 12 chiah subsidy in ila thei) IOCL lamkhan an lo enfiah a, Subsidy hnu a a rate Rs 420/- vel atanga achuang zawng khan I account ah anlo thun ta ani. Tichuan sawrkar pawn kan card a kan lak zat chiah chiah kha subsidy na man kha alo chawi tawh tihna ani. Tun ah chuan Black a zuar tur tan pawh gas card hmang lo chuan alei chhuah theih loh a, tin card pakhat in Bur 12 ai atam I lak chuan, a man I pek hnu ah, I account ah an lo thun tawh dawn lo tihna ani.

Tin, I account ah pawisa lo lut theilo anih chuan, I account diklo emaw, I consumer no nen a in mil lo emaw, I account I hmankhat vanga lo thi tawh pawh nithei a, Gas distributor te hnen ah kal in zawh chian mai tur ani.

THING/BUHFAI KHAWN ANG AW BAWIHI... 😊

(He thuziah tha tak mai hi, Mizo Nuvalai zinga Thu thiam ka tih em em, Pi Zoremi hmar zote, chaltlang ami ziah ani a, aphalna thlapa suan lut ka ni e...
)
Hnam dang neih loh, kristian kan nih vang leh kan Chief minister nupuiin zûk leh hmuam dona kawnga hma a lâk nasat vang emaw, Aizawla traffic a jam nasat vang pawh ni chuang lo vin, mizo kan nih vang chauha chhiat ni bika hnam ze ropui kan neih, hlû leh mawi em em chu khawhar chhungte kan hnem dan leh kan chhawmdâwl dan hi a ni !

Chhiat tawh thu an han puang lauh lauh a, hlawh beisei miah lo va thlân lâi tura liam sang sang țhinte hi mizo tlangval an ni a, tlâi ni nêma êm leh hnam chuh rak rak-a thing/buhfai khawn tura nula kal khawm tiau tiau țhinte hi mizo nulate an ni.

Tunlaiah chhiat tawk an awmin Sec Leader emaw, YMA hruaitu ten nula thing/buhfai khawn tur an âu khawm ta fo mai! Nula ten kan mualphona a ni tih kan hrethiam em aw ?! Nu leh pate pawh kan harh a ngai, kan fate tirh nachang kan hriat a țha khawp mai. Inchhung hi sikul hmasa ber a ni a, kan fate mawina hi kan kutah a awm a, nu leh pa kan pawimawh em em mai.

Mizo nula fel leh hmelțha, pian nalh leh nui mawi, fresh tak tak te hnenah hei hi ka sawi duh...

1. Cell phone i hmai aia hlai mah hûm chungin fashion chhuak thar apiang inbel mah la, korean iangin lo ngo pîk piâk in, film star leh zaithiam hming hre țeuh mah la, mitthi thing/buhfai khawn hnam i ni..!

2. Mizo țawng țhing tiin vun ngo țawng hmang tam zawk la, sâp țawng lam puàm nalh viau chungin mi țawngin zâi âwt âwt pawh lo ni la, mizo țawng dik leh upa zawkte khawsa ziâ chu 'țhing' ti fo mah la, mizo nula i ni a, mizo thisen i ni..!

3. Mizo țawng pawh type dik hleithei tawh lo khawpin changkang emaw lo inti ngawt mah la, hnam fing leh changkang apiangin mahni hnam zia leh culture chawisan nachang an hriat miau avangin i changkang thei lo..!

4. Puan dum biha êmping phura buhfai khawna i kal zâm zâm kha, mizo tlangvalte 'mizo' annih chhung chuan i nalh reng dawn..!

5. Kan ina mitthi buhfai khawna i rawn dâk hiau hmelțhat zia leh duhawm zia hi i hriat loh ka duh lo!

6. I tih tura i lo dah tawh loh thing/buhfai khawn kha maw.... i chhungte an thih palh vaih chuan mizo nulain an rawn ti tho tho dawn.

7. Koh chhuah chawp ngai nula tlêmte zingah tel ve duh miah suh aw....

Hmel leh thawmhnaw hi mawi nan a tlâk loh asin! I mawina chu i hriat kha... i chhiar zo chiah😊

NULA PASAL NEI TUR LEH PASAL NEI LAI MEK TE TAN.

(A Thu tha ka ti ema a ziaktu pawh ka hre lemlo kan post ve tawp a nge)


By - Dr. Vema

👉🏻 Pasal neih i ngam a nih chuan hreawm tawrh inhuam ang che.

👉🏻 I pasal chhungte hrawn an khirha an fel vak loh pawn tuar hram hram la, i lungawi lohna i chhungte hnenah thlen ching suh, buaina a pun lun mai mai, harsatna tawkloin chhungkua a din theih loh.

👉🏻 I pasal chhungte i vawn tlat chuan rei i chungah an sual thei lo.

👉🏻 I pasal hnenah a nazawngin vui ching suh.

👉🏻 I pasal leh a chhungte inzawmna tinghettu nih tum tlat ang che.

👉🏻 A nazawngin mahni In lamah kal reng suh, mi ta i ni tawh.

👉🏻 I pasal chhungte lo tha vak lo mah se, Thatna in hneh tum tlat ang che.

👉🏻 Ho te teah tlan reng suh, sawi ngailo in i dik biklohzia i tarlang mai mai a ni.

👉🏻 THATNAIN SUAL chu hneh tum tlat ang che.

Tichuan, chhungkaw hlim tak in din ngei ang. Copy paste.