PUITEA THLAN TLANG- AH - I

Kan hun tawn tur te leh kan hma lo awm lawk tur tur hi nikhat chu sawi loh minute tlemte pawn hre lawk thei ni ila, ka thu ziah hi ziah ngai lo ni mai tur. Mahse, hmalam hun kan hriat loh vangc hu ni pakhat tho mahse la kan chung a tleng tur a Pathian lo ruat lawk hi kian san a theih anih loh zia hi a chiang hle awm e.
Mifate dang ang bawk chuan ka Fapa neih chhun chu school a kai ve tan tawh a, ka office na kawnga an schhol a a awm bawk avang in zing a a school kal tur chu ka hruai leh a. Ka fapa Lalhlimpuia, kei nin Puite ti a kan ko a, ka fa hmuh hmasak ber ani a, kei ni nupa mai ni lo a Pi leh Pu te ve ve tan pawh an tu hmuh hmasak ber ani nghe nghe a. Pathian zar ah kan dam chuan tiin hemi lai vel hian kan fa pahnih na tur hi kan nu chuan a pai mek bawk a, hmalam hun hlimawm tak tur chu thlir in hun kan hmang ve mek a. Kei hian unau dang ka neih loh avang in famal ka ni a, ka nu leh pa in min la dam pui a, anni pawh an hrisel na ala tha in an la chak viau mai a. Tin ka Nupui duhtak Puitea nu pawh hi an unau a fanu awmchhun leh upa ber ani bawk a, Pathian khawngaih na zar ah harsa lutuk lo a chhung kua ka din ve thei tur hna ka neih veleh ka tleirawl chhuah tirh a ka hmangaihna hmasaber nen chuan pathian leh a kohran te hma ah kan in kutsuih ve a,Nupa leh chhungkaw hlim tak in hau ngailo, Pathian awmpui chhung kua kan ni ve a.

Tet te atang a in hre lawk, nu leh pa te pawh kohran leh khawtlang a pawh lo thawk ho an ni bawk a, chutah in in hlat lo taka awm kanni nen. Chhungkaw lamaha chuan harsatna kan nei lo a, kan in pawh em em vek maia. Puite’a lo pian pawh hian keini a nu leh pa te ai pawh hian a pi leh pu te ve ve hi an lawm ang tih zawk tur khawp hian an hlim a. Tu hmuh hmasak ber anih avang in a pi ( keima nu zawk ) hian pathian in kan chhungkaw ho tan a kan hlimna tur min pek liau liau ani tiin ahming ah LALHLIMPUIA hi a sa nghe nghe a. Ka fapa hi ka chhuanna ni lo se atet te atang in ahmel hi a duh awm in atha em em mai a, anu leh apa hi a chun lo a tha lutuk tih hi a thenawm khawveng te sawi ani reng thin.. kan in leh a pi leh pu te pakhat zawng in hi akar tawn deuh chhen mai a, lehlam kawngzwng chuan anu leh pa te kan awl phah rual rual in kan thik lek lek zawk fo mai thin.Puitea chu a lo hlei kang chho a, nopang chumchhiat an reh a, bawk vak atang in din ah, kal ah chutah tawng an zirchho chu lawm hi ahlawh leh zual a, a tap ngai loa , mi duh lo pawh hi anei lo. Chhungkhat te hi a hre hrang amawni tih mai tur in mi hi a nuih reng thei a, ahming hi apu zo em em mai a. Midang fa hi kan awt hlawl lo ti ila kan chapo ni maithei mahse kan hlim puia. A hming a pu zo hliah hliah em ani.

Ka sawi thui dawn tlat, mahse fa te fak vak vak pawh ka ang palh ange thu dang sawi chho tawh ang. Kum li na a hming chho mek a, a mah a a changkang tawh bawk a, chulai kar ah pathian malsawmna dang kan hrechho a, a nu alo ruak lo nen , school kal chho sel a, a nau tur kaihruai tu ah kan ti a, tichuan nurseryah chuan kan admit ve a. A luh tirh ah chuan anu ala in fit bawk a, kei ka hna a ka kal tur nen kan in phurchhuak ho a, an school bul thleng a nu nne ka thlah a,hawn hun ah anu nen an haw leh mai thin. Tlai lam a ka hnthawk haw te hi min lo hmuak a, hmundang peng lemlo ka haw thin avang hian ka haw hun awm ah hi chuan kan garage bul vel ah hian alo awm tawh thin a, kan ui tenen emaw, a toys te nen emaw min lo hmuak ziah a. A nu te a pi te pawh in an koh in kal duh thin lo. Engemaw chang a haw ltai te hian ahrethiam lo thei em em a,a chang chuan anu nen hian min lo nghak char char thin. Ka haw tlai deuh dawn a phone hmanga kan nu kan hrilh a ,ani in ka haw tlai tur thu a hrilh pawh hian a awih duh thin lo a .Keimah ngei hian ka hrilh kher hi a ngai thin. A chang chuan aninawm in angeiawm lek lek a ,mahse ka fapa duat ani miau a ka haw thei hlawl lo.
Kum chave alo liam chhoh meuh chuan Puitea pawh chu beisei phak bak in hma asawn a, lehkha zir na ah pawh amah a tui em em mai a. Zir tur a tirh emaw, school kal tur a han tirh luih pawh hi angai lo a. A school kal tur pawh hia anu a alo fit tawh lo nen kei mah hian ka hruai mai a, an schhol gate thleng ka thlaha , kan in thlah ve na thin kuttum ve ve kan insik tir thin a, ti chuan hlim deuh mai in akal mai thin. Tuk dang ang bawk in he mi tuk hian kan tho a, zing ah anu te nen kan pathum in exer kan la a, anu chu a thlaleh lawk nau nei mai tawh tur anih vang in muang chang in kan kal a. Ani chu achang leh atlan a, achang leh min lo nghak a, a chang leh alo zuang a, achang leh kan pahnih inkar ah kal in kan kai a,a phi chneg ni ber in ka hria. Ni dang ang lo tak maiin Puitea chuan,’Anu note hi i nei har tawh e, ka hmu chak tawh sia, nei thuai thuai laa’ ti a, A nu chuan, ‘Puite ka nei tep tawh alom, nau i neih hun ah chuan i duat em em anga ti raw’ te a ti a. Chuan kei chuan, ‘anih Puite i nau hi hmeichhia nge mipa nise i duh’ kan tih chuan, ani chaun’ mipa ni se, keimah ang deuh ni se, mi pawn inang min ti se’ ati ta daih a, mak ka ti ang reng khawp a, mahse engmah sawilo chuan kan nui a. Anu chuan,’ anih hmeichhia nita se’ an tih chuan, ‘a.. hmeichhia anih chuan keimah min ang lo ang,sam sei a neih te ngai anga, ka toys te pawh akhal ve thei lo ang’ ati a. Nidang a khatiang sawi ta ngai lo chu ka ngaih chua tha lo angreng khawp mai a. Thil dang kan sawi a kan kal pah zel a in chu kan thleng leh ta mai a.

Chawte kan han ei a, school kal tur in anu in a siama, kei pawh chu roomah ka in siam a, anu pum bawk chua chulleh a, ‘ka nau tap ri kan ngai thla teh ang te’ a ti a, anui sun suna, tichuan a in siam zo chu, a pi leh pu te bul ah dan pangaiin ava thu a, a school ban a hruai tu tur zawk a thalng leh a, anu hi an nau a neih tep tawh vang in api leh pu tu emaw zawk zawk in an hruai mai thin. Tichuan keipawh chu kan in siam zo a, Puitea a nu chuan va fimkhur ula aw, chuan atheih leh lo haw hma la tiin min thlah pah chuan min chah . Motor bul thleng chu alo kal ve a. Motor chhung ah kan thu a Puite a chuan a nu te a pi leh pute chu uar fahran hian an bye bye a, a nui awr awr a. Kan phei zel a, a pi te ( anu nu leh pa) te in zawn kan thlen chuan a pi leh pu chu an verandah ah chuan an lo thu a, a au vaka a bye bye leh ta a. Tichuan a ti ti siam siam a, an school zawn kan thleng phei a. Tuk dang a a tih ngai lo ang in,Apa thil min lo lei kan chawl lai athiante nena ei tur ati a, tichuan keichuan an school bul dawr a mi chu ka lei a, an school gate thleng tur chuan kawngpui hi kan angai thin a, fimkhur angai reng bawk a, kawng a zau lai ani sia,motor thenkhat hi chak dueh deuh in tlan leh maithin. Chutia duh ang alak hnu chuan pawisa nawi ka lo nei rem chang lo nen chuan a tlang ka pe a, a nawi min kir tur a in haih buai lai chuan, Puitea chaun,’ apa khi ka thian te rual in ka kal dawn aw a ti a’, aw pawh ka tih hma chuan akal ta mai a, pawisa min pek ka ah that lai chuan ri chawrh ri ka hria a, mi te thawt ka hre bawka . Chutah kan hawi chuan ka fapa Puitea kawngpuia lo let reng mai ka hmu a. Chutah ka tlan chho nghal a, abul kan thlen chuan zan lama khum atui tak a amu hil lai ang mai khan alo bawk khupa , Puite puite tia koh paha kan pawm kan meuh chuan, ava rapthlak tak em.....

KA CHETCHHIAT NA - II

Tuna ka hnathawhna hi Aizawl atanga 30km vel lai ahla anih avnag in a chang chuan ka riak lut thina, weekend ah ka haw leh mai thin a. Tumkhat Inrinni tlai ka haw chho chu ka bike a berh deuh avang in kan in hnuai te kawt, kawng pui ai atlema sang deuh ah chuan sil tur in ka dah ta a. Ka in bual zo chuan uluk tak in ka sila ahnu deuh thim dawn tawh ah hian dah tha tur in ka chhuka a. Kekawrbuk hook awm chi leh kawr banbul ka ha a. chutih lai tak chuan school lam a ka thawhpui thin, Hmun danga thawkta ka thianpa alo kal ve nen chuan kan ti ti ta reng a, kawngpui sir lawk ani nen traffic jam bawk nen, motor a chuang ten en chuan kan in hmu hnai thei hle mai a. Chutia kan ti ti pah chuan bike seat ah chuan ka hmeichhe thut pah a, a hnu deuh ah chuan kan zawn ah tak mai hian city bus jam chu a ding a, chuang pawh an awm nual mahse an tam lutuk lo. Ka thianpa nen chuan kan in thlahfel ta a a. Kei chu chutia ka thut na ah chuan ka kekawr hook chu alo in phelh ni ngei tur a ani, ka lo thawl deuh bawk nen bike atang akan tum thla chiah mai chu ka kekawr hakchu a tla thla ta maia a. Kekawrte nen chuan bus bul ah chuan ka ding taran maia, ka zak lutuk chuan hawi pawh ka hawi chhuak ngam lo. Bus a chuang mi engzah tak khan min en ang maw ka hre hek alo..ka vannei a siam in bus pawh chua tawlh sawn ta hrut bawk a.... ka ngaihtuah let leh chang te hian ka nuih a la za tawp hlei thei lo.....

KA CHETCHHIAT NA - I

Tum khat chu school a ka thawh lai hian ,session kan tan tirh deuh a nia, science students lam chu ka hre nual tawh hlawm a, mahse Arts lam pang day scholar ho phei chu ka hre hrang hlawm lo a, an hmel erawh chu ka hre deuh ur tawh a. Kan school naupang chhungkua te zing ah chhiat tawk an awm tlat maia, Cl xii Arts a mi a pa chu Tlawng lui ah a chesual a, ruang zawn ngai in a awm hlauh maia. Tichuan ka thawhpui te chu a zawn na lam ah te pawh an thawk chhuak ve thin a. Hun engemaw chen hnu aha chuan a ruang hmuh thu kan hria a, Ka thawhpui te nen chuan kal kan tum ve a, a ruang hi zan dar sawm hnu lam ah a lo thleng dawn chauh an tih avang in kan hmanhmawh lo hle a, Kan han in nghak khawm a mi panga lai kan ni a, School naupang class teacher pawh a kal ve a. An in chu a lo veng hmawr ang reng viau maia. Kan school naupang te pawh an thianpa lungaihna va hnem tur in an lo kal ve teuh tih thawm kan hria a a thlamuan thlak ve hle mai. An in kan thlen dawn tawh tih ah chuan, step te lam pang ah kal a ngai a, a nial bawk si, ka kal hmasa bera, school naupang pakhat hi min tawk zawng in alo kal a, sir in lokal thei maw, ka thian te ho pawh ka hnung ah hian an lokal a tia, Kei lah pek chuan e in va ti tha ve, khawnge tun ah kal dawn a, in haw tawh dawn ami kan ti mai pek a, A ni chuan la haw dawn lo e Hall ah ka kal lawk dawn a ti a. Chutah an class teacher ka hnung chiah a kal chuan min lo kheuh zuaka, ka thawhpui dang ten school nopang chu an biak lai chuan, ka beng bul ah , khami pa kha lawm boral chu an ti ta mai chu, sawi tur avang duh khawp mai, mi chhiattawhna kar ah nuih aza duh bawk si... Ani apa ruang kha a lo chhe deuh tawh bawk nen,YMA lam in Hall alam ah an la lut phawt a a chhungte a hmel an hmuh tir a, uluk tak an tuam that an lo tum a, anlo ko phei chu ni in.......

ZU HI BUAINA THLENTU ANI KHER LO….

Kum dang ah mahni awmn aten a zir loh avang in Red Ribbon Footbal ropui tak hi internet lam atang chauh in a result ka lo hre thin a. Kumin chu Aizawl alm ah te awm ve tak ah chuan tlailam ah mahni in entur in ka phei ve thin a. Hmelhriat pawh ka nei lem lo, Thutna awl ah ka in thawlh ve mai zel a. Kan thu a, en duh in ang theuh theuh kha chu kan ti ti alo kal rual chho thei khawp mai a. Tumkhat chu thutna awl ah hian ka thu a, ka sir veilam athu te pahnih kha chu inkawm ngeih tak an nih hmel a, ka ding lam thu te erawh in hria pawh an an hmel loh. Game an tan athen te lah in athiamber zia zang in kotlang lam atangin an lo sep kual ve vel a. Ka veilam atang chuan Zu rim Local rim ngei mai chu a rawn nam hak mai a, ka bul ami te chu an rui aniang ka ti rilru a, ahnu ah an nam leh hak chu kan hawi phei chuan sira mi te pahnih chuan bottle chu mi hriathlau tak hian paper in an lo tuam vek inkhel en pah hian an lo in chu alo ni a. An in zeuh zeuh a, ka ngaih tuahna ah cuan Zu in te hi buaina siam tu leh hnawksak an va ni kher lo em aw ka ti rilru a. Ngaihtuahna thar ka nei a kan be tan anga chutah anni nam phel phual chuan ti ti nuam an ti anga tiin kan be tan ve a. Ka ding lam athu te nen kan nui kan nui tan tawh mai a. Anni chuan an in pah zel a kan ti ti pah zel a, hlim tak in kan en ho a,. Ka dinglam ami chu mahni thil pawimawh ah haw angai avnag in a haw a thutna awl ah chuan mipakhat aw tham deuh hian khawngaih in ka lo thu ve ti hian polite tak hian min lo dila. Keilah chan tehreng mai ticket nen a kan lei vek alawm ka lo ti sam et a. Mahse ani pawh chaun thil fun alo nei chuni in, Ka sir leh lam a mi te ang bawk in Bottle te in alo in pai hi alo ni a. ka induh leh duh lo te min zawt a, mahse k alo in si lo a, a in thlahrung nge kuhva te zial te chumin offer zel a, ka lo ti lobawk nen a in thlahrung tulh tulh in ka hria, mikha a zah riau mai a. Mahse an veng tein khelh lai anibawk a kei chuan ka be lui a, an veng players chanchin te kan zawt kual a, sawi nuam kha ati ta em em zel a. A rei deuh hnu phei chuan sir lehlam a mi te nen chuan an in Khilai kual a tumah in hre hlom lokha kan tawng kan tawng a, kan bul ami te kan tinui kan tinui ta maia. Ahnu ah phei chuan an mahni zawk chuan a tlai tulh tulh a ka nawi tlat an in ti a fiamthu an duh tan hle mai a. Naktuk ah I thu tlang leh ang u te an in ti hlawm a. Atawp thleng in hlim tak in kan en ho ta zawk a.

Ka sawi duhna chhan pawh hi, Mizote hi zu ruih chuan in tihbuai hi kan tum a, buaina siam hi a then chuan kan tum tlat thin ani a. Mahse heng zing ah hian rui thiam kan tam tawh niin alang. Tin a in ve lo te pawh hian inla engemw tak nilo hian fel tak in rui thin te bul ah hian a awm theih ani tih hi hria ila. Zukhap ahlawhtling ta lo law law hawh u a in dan thiam lam ah hian tan ila thar zawk ang u.