WHEELZ-11 (Kerala biggest Auto Expo Organized by Mechanical Branch TKM College of Engg Kollam.Kerala)

http://www.wheelz.in/

AM I A ROCKSTAR....?

Kumtina kan college a an neih thin Arts festival chu January thla laihawl khan neih ani a.A hming atan Tarang 11 tih ani nghe nghe a.He Arts Festival hi a year-wise a in elna ni in Thil chi hrang hramg 50 chuang ah a huho leh amala in elna buatsaih ani  a.A duh apiang tel theih niin result puan hun ah a year wise in point an chhiar thina.A dawn tlai ah thiante chuan Rock-mime ah lo tel ve ta che Drummer ah  anti a kei lah chuan ka lo duh lo nasa maia, mahse minsawm nasat em avang leh Final year kan ni tawh a tel ve hrim hrim atha kan hla tur chu 'last resort' leh 'You shook me all night long' tih kha ni alo zir rawh naktuk chawhma ah i room ah kan lo kal ang an ti a .Aw le chu kan ti mia.Zan ah chuan an hla te chu you tube tang kan download vel a mahse rin ai in khuangpu nih kha ahar dawn tlat mai in ka hria a, Guitarist ah ka lo awm ang tiin ka hrilh a ka mu daih a.Atuk zing alo nih chuan zing kar atang in ka video download atang in an tihdan leh hla te kan zir a tuk pum chuan thlan tla hluam leh ringkham urh chuan ka bu ta nghek nghek maia.Dar sawm vel ah thiante ho chu Guitar lem an siam te nen chuan an lo kala kan han ti hi zuai zuai a,tichuan college auditorium pan chuan kan chhuak ta a.
Rin ai in an lo tam maia auditorium chu anlo khat mup maia,chutah a year year in an lo in au khum chu thawm atha ngei mai.Thian thenkhat ten min han hmu chu annuih te pawh aza ve lehling zawk a,Rock mime an tan ta a.Kan hma ami te an zawh rual chuan Stage puanzar chu an pawtthla a keni chu lut nghal in kan han in rema.Thin te lah chu a phu dup dup maia.chutah announcer in'Judges please note that chest no 265 .......' ati chiah a puanzar chu a in hawng ta nghala,.You shook me tih kha sak hmasak zawk tur nih vang in hnunglam kan hawia music rik rual chiah audience te lam hawia zuan tur a tih ania.chutah kan han zuang mai chu thawm a tam, hmel tam bawka.khang chhung khan engtin nge ka awm pawh ka se mumal lo sawi vak ngailo on video ah hian a lang tho mai...a tawpna 'last resort' tih a al.....right tih a sak lai right..tih huna zuang chung a tih tawp kan tum a chutah kan zuang a,alo hma a lo la tawp lo posy lai duh ngei mai.......
sawi tur tam tuk sawi thui lo mai ang.Tlai ah thian ten min rawn phone kan pick up chuan pakhatna kan ni an rawn ti chul mai chu awi a har duh khawp mai.A lawmawm hranpa ve reng reng bawka

Ka thian pa in a mobile in ala la hlauh a zan ah min pe kan in en mai chu ka nui char char ringawt a.han en vela sawitam ngailo mai nag.......Mahse ROCKSTAR ka lo nireng amaw ni le kan college sangtel zingah tiin nui vur vur chung in ka mu ta daih a.......

KUM 2010 A KA ZIN TAWPNA

Beisei si, beisei ngam chiah si lo in nikum Krismas kha haw kan tum a. A chhan ber pawh kan university exam hi a chian thei loh em vang ani.
Beisei na chu atak ah lo thleng in 2010 kumtawp hun hlimawm tak chu chhungte bul ah hmang tur in ka haw thei ta hlauh a.A kohran lam leh khawtlag lam ah chuti teh ual in ka tel hman lo nen  ka pa nen kan Rihdil tlawh thu hi kan ti lang ve mai  nge.
30 Dec 2010 khan khawbung lam ah kan chhungte dam lo tlawh a zin kan tum a, Mahse zing kaer ah chuan ka pa chu office thil avang in an rawn phone a,kan tum chu thulh alo ngai ta si a.A aiah ti in tum loh deuh in burma lam ah kan in phurchhuak ta a.Kang tluan in bike chu ka khalh a kan ti ti dun malh malh reng a.darkar emaw erh aliam tih ah chuan kawng kawi natak leh awi tak mai te si kan thleng thla chu India leh Myanmar(Burma ti in ziak zel mai tawh ang) inrina lui leh a in kalpawhna Lei(Bridge) te chu alo lang ta uarh mai a.

.
Lui awm khu Tiau lui ni in, Lui thlen hma ami zawng hi India ram chin ania a lehlam zawng khu Burma ram chin ani.Ahma chuan mizoram chin zawl ah khuan Khua Zokhawthar a awm a,In tam tawk taka awm hmur a mahse Mizoram sawrkhar chuan sawn chhuak a.a in sawn ve duhlo te pawh an nin nawr chhiat sak an ni nghe nghe ani

Kan tlan thla leh a tah chuan Lei alo awma  athlen hma  chiah in IR ho an lo duty ah tah chuan kan han in report hnu chuan awlsam tak in Lei chu kan kan ta mai a.

Burma ram chhng kan thlen hnu chuan ka han in report leh a.pawisa tlem azawng kan chawi a.Tin, kan Motor ken a zir in pawisa chawi tur te pawh a dang ve bawk.....Kan ram ah chuan ZU khap bur anih laiin lui pakhat kan in a tama  tam mangkheng in zu an lo zuar thunga

Zu duh mi tan chuan duhthusam hi a ni ringawt.....Cheng sawm atanga sing tel man chi hrang hrang a awm a.Dawr zawng zawng deuh thaw ah chuan an kawl veka.Aman to ber a ka hmuh chu a hnuai amihi a ni nghe nge..Um khat hi India pawisa in singkhat ani a .An ram pawisa in nuaihhnih..

Tin, cigarettes chi hrang hrang leh nepnawi,ei theih chileh eichi nilo te pawh atam mai a.Zu thalo ber pawla an ngaih B.E (a spell dik em ka hre lo tlatz...) te pawh peteh fun in an fun ve hlawm bawk a.Heng fun khat hi a to lemlo a.Tui pawlh angam bawka hralh a kal hle an ti

A ZU lam chu duh tawk ta ila,Kan kal chhan ber Mizo Dil lian ber RIHDIL Burma ram a mi tlah tur chuan kan in khalh chuak leha.Tiau luiatang hian 2/3Km vel ani mai thei.A kawng te pawh an lo lai zau ve tawh khawp a,mahse akawi a ulh piah lam ah a thlep in a awih em em maia.Tlang kan thlen chuan khaw pakhat Rihkhawdar kan thleng a chu ta tang chuan Rihdil pawh chu alo lang uarh tawh ani..

Rihdil hmun hi a nuam hle maia,a dil kam ah phul zautawk tak awm a,thingbuk hlim hnuai ah te pawh thut aremin anuam em em mai a.Tin bar te leh lodge te pawh a awm nghe nghe bawk...

 Ka pathawhpui te ho pawh an lo awm ve a,an fel in biak te an nuam em em a,Sawrkar hnathawkmi te tana dawr nuam tak an nih ngei ka ring. Darjar khat vel kan awm hnu chuan tiau lam pan chuan kan let leh a.burma ah hi chuan an motor khalh hi a dinglam zawnga intawh dawna kawng in ken ani thunga.India ram nen a in an lohavang in zam a awl hle mptor tawh dawn in...Kawng sir rem lai ah chuan ding in Tiau lang chuan kan han la leha.Mizoram lam pawh lang ruih mai

 Mizoram lam lei kan pelh dawn chuan WELCOME TO INDIA tih hi alo in ziak kuau mai chu rilru ah ramdanga awm riaua in hriatna neih a awl hle mai.

Eng eng emaw kan lei hnu chuan lei chu kan kan a IR ho bul ah in report in kan bag te thupek annihna ang in  anlo check ve ngeia, mahse kan awmchhung reilo te ah pawh Mizoram lam ZU phurlut chua an tam maia.Khang ho khan zumantlawmte in an lei teuh mai a, to tak tak in Champhai lam ah hralhna a huphurh awm bawk si lo.Mizo te chuan Zu rallehlam ami  lei teuh teuh mizoram pawisa fai hi ramdang ah an pe teuh teuh  a,kanla pe zel mai dawn chu anihsi hi maw .......

TUIPUI RAL RAM NULA NEN

          

             

            Nipui khawlum huam huam kar ah ka chuanna rel  tlu tlu tluk tluk tlu tlu tluk tluk  ti rawh pawh chu horn ri ruai ruai ri chuan a ti zawi telh telh a, station lian lemlo tak ah chuan ‘chawlh ka mamawh e’ ti ni awm tak in a ding hmuk a. Keini pawh chuan chhuk zai chu ka rel ve ta a.Station bul mai ah chuan bus var chuan min lo nghak reng tawh mai a, kan han in thiar luh fel chuan kawngpui zau tak mai ah chuan kan kalna tur pan chuan kan tlan tan leh ta par par a.

            Kumtina kan lo tih thin dan in kan college a North East zirlai te chuan kan senior kal chhuak tur te pual in farewell program kan nei leh dawn a, chumi kan neihna tur lam Varkala Beach pan chuan kan kal mek ani. He beach hi lian lemtak lo nimahse, hnamdang ten south India lam ah chuan an tlawh ber ani nghe nghe a. Hemi tum hian kan thian dang te chu incharge anni a, keini erawh chuan a sum thawh lam chiah kan tum thung a. Mizo keimah chiah ka awm a, mi dang ho hi Naga leh Arunachal deuh vek anni a, kan zavai hian mi sawmnga bawr vel chu kan ni ngei ang le. Kan kalna tur hmun kan thlen chuan Hotel thlenna tur lam chu kan pan ding ta nghal a. Vanduaithlak tak nge lawmawm zawk kei leh ka thianpa chu kan leng ve ta tlat lo mai a, sum atam bawk a hotel hran ah thleng tur chuan min ti a, kan thlenna tur a bul lawk ah chuan kan in nghat ve ta nghal a. Tlai lam anih tawh avang in kan in dah fel hnu chuan tui cheng tur chuan kan chhuak ve nghal a..chaw te kan ei kham chuan kan thian te awmna hotel chungzawl ah chuan kan programme urhsun leh ngaihpawihmawh ber hun chu kan hmang a. Hemi hun ah hian infuihna te, lawmthu sawi nate, thilpek na ten hun kan hmang a. Chutia hun kan hman zawh chuan party te nau neih tur ani a. Kei lah pek chu lam ngaina ta lo fam chu ka thianpa be rawn in kan room lam ah ka chhoh tur thu ka hrilh a.

            Chutia kan room lam pan a ka kal chu mikhual dang chi hrang hrang avar adum anlo tam ve phian mai alo ni a. kan in bual fai mut kan tum chu muhil thei ta reng reng lo, inchung lama kan chho chu thutna nuam tak mai lo awm a. Thiante hun hmang pawh chu alo hmuh thei reng mai a. Ka room ah let thla leh in ka mp4 player leh ka thian tha ber mai ka guitar pawm  chuan inchung lam ah chuan ka thu ta a. Mahni tawk ah lung hi aleng ve thei khawp mai. Earphone a hla ngaithla pah a guitar perh in ka zai ve a,kan chawlh lai chuan ka hnung lam ah kut beng ri ka hria a. Kan hawi let meuh chuan Tuipui ral ram nula chu alo awm reng tawh chu niin kan hmu thut chu ka hamhaih khawp mai. A sam chu a buang nalh hle a. Kawr bah pan tak mai ha in jeans pawnfen chhing tawk tak feng in chapal simple deuh mai hi a bun a, kei lah pek chuan biakna chang  hre ta hek lo. Amah zawk chuan I zai thiam hle mai a te min han ti a, lawm tur nge min bawl pawh ka hre tawh bik lo. Ka bula thutna awl chu kan pawt hnai a ka bula thu tur chuan kan sawm ve rawih a, ani pawh chuan ka sawmna te pawmin alo thu  ve mai a. Tichuan sap tawng bah deuh nek nuk chuan a chanchin te chu kan zawt hmasa nel nual a, Ilonka niin Holland lam atanga a u mipa te inneih  thar hlim Honeymoon hmang rual in alo chho ve chu ani a, India ram hmun hrang hranga an kal tawh hnu in, kan in tawnna hmun chu an kal tawpna tur ni tawh in a hnu lawk ah chuan an ram ah haw tawh tur anni a. Ka chanchin kan sawi ve a, India  mi ka ni tih ka hrilh chu mak a ti ve tho mai, khawchhak lam pang mi ni  tur ah min lo ngai ngei ni tur ani, chutia Zoram lam chanchinte kan sawi lai mek chuan Beer in ve leh ve loh te min han zawt a, ka in theih thu ka hrilh chuan min hrethiam lawk tiin a kal ta daih a. A hnu lawk ah rawn let leh in Basket te rawn khaiin India ram chanchin ziahna bu chu a rawn zakzeh chho tat mai a. Chu Tourist Guide bu chu an en ngun tawh hle tih hriat tak hian a kawm vel te chu a hniar sung mai a. Mahse Mizoram awmna hmun kan keu thlen chuan alo la thar bal thung a, chutah ka ngaihtuahna a lo lang thut ah chuan ramdang mi te tan hian kan ram hian larna chhan tur hi a nei lo em ani tih kha a ni a. Mizoram awmna te an ziah bak ah thiam ang tawk chuan kan silh a, lo kal lo tur ani bawk nen kan sawi nuam khawp mai a, lokal te pawh a chak hmel khawp mai. Tichuan a Basket hawn atang chuan Beer ka la hmuh ngai reng reng loh han en mai Skol beer ai chuan atui ang tih a kawm atang pawh a hriat theih tur hi rawn hum chhuak. Hnial tum hek suh i, a tam bawk a inlam kan tan ta a. Kan ti ti chho zel a, kan in pawh zel bawk a. Kei lah chuan an ram inkhel thiam ka hriat ang ang hming te kan sawi chho a, Lu a lo hai chho tan nen kan in hnaih sawt hle mai, ho te te sawi pawn anui ta nghek nghek a, a chang leh min lo chum ti tih a, ka kai tan deuh hlek tawha, ka hmu nalh tulh tulh leh nghal a, mumang ram te pawh a ang hial in ka hria. Kan ti ti rei thawkhat aniang, kan thiante pawh chu an lo bang tawh a,tichuan chhuk thlak zai kan rel ta a, a kal hlei theilo chu kuah angai hial a.A room awmna lam ah chuan ka hruai phei a, A u te room nen chuan alo in thenawm chiaha, kawngka te kan han lut a. A basket khai te chu kan dah that sak hnu chuan, atuk a inhmuh leh tur a tiin chhuahsan mai kan tum a, chutah ka ban ah min chelh chuan chanlohkhana malsawmna kan ti dawn nge amah zawk chuan mi rawn fawp ta mai a, mak ka ti a, in rin ngaihna pawh ka hre lo, mahse kan in ngaituah harh a, kei pawh chuan duhthaw tak chuan ka lo chhanglet ve a, a room chu ka chhuahsan thei ta hram a.

            Ka tlenpui pa chuan min sawih harh a, lu hi ana rum rum a, tuiin ahal deuh huam huam bawk a, kan in phihfai zawh chuan ka thianpa chuan Breakfast tur min lak kep tawh thu leh nizan a ka awmna chu min zawt chhunzawm nghal zat a, ka thianpa Arunachal pa nen hian roommate kan nih avang in thu zep tit tet hi kan nei ngai lem lo a. Kei pawh chuan ka hun hman dan kan hrilh chuan keimah aiin a phur thar tih mai tur in hmuh ve aduh thu a sawi ta cheng a. Breakfast te kan ei zawh chuan thian te beach awmna lam pan chuan kan chhuak phei ve ta nghal a. Tiaupho ah chuan an lo awm teuh tawh a, a tar azur in an lo mu thluah hlawm a, a then te phei chu movie vela kan hmuh ang deuh in an lo mu kengkung bawk a, chutia kan kal lai mek chuan min ko thawm ka hria kan hawi chu, kan sir atang chuan ka thian-i chu a tui chen thuam a pawimawh chin khuh zo pha tawk hian kan lam panin alo kal mek hi alo ni a, ka thian chu kan kheuh zeuh a ni pawh chuan a hrethiam ve nghal mai a, kan bul alo thlen chuan kei in ti zei ta pek chuan nizan aiin ka hmu nalhin I hmeltha zawk daih mai kan lo tih khalha, ani pawh chuan sawi tur a hamhaih phah ve hle aniang, a ang zuaia thank you tih chiah a sawi a, anui ringawt a. A u te awmna lam kan kal pah chuan nizan kha I thin arim ang tih ka hlau lutuka ka ngaituah let leh in a ti a, kei lah pek chuan thinrim lo e, ka chak leh tawh zawk lutuk alawm ka lo tih san mai a, ka thianpa pawh chu a lo nui ve ringawt a. Tichuan inhmel hriat tawnna te kan neih hnu in in hmuh leh tiam in kan in kalsan  a. Kan thiante awmna lam chu kan va pawh phei ta a. Lunch te kan han ei zawh chuan zan lam a kan hun hman hnunhnung ber tur hmang turin tih tur te an  sem kual a. ka thianpa lah pek chuan a hrilh theih ang zawng zawng chu a hrilh tih mai tur ani a, min chhaih tan ta hlawma. Ka tih tur a an ruat pawh chu ti lo in I thiannu chu va kawm la ,kan lo awl ang che anga mahse zan hun hman na lam ah chuan ilo hruai ngei ngei angai ang an ti thung a. Aw pawh tih loh theih loh in min siam a kei pawh chuan ka kalsan ta hlawm a.Chumi tlai chuan Tuifinrait kam ah chuan kan pahnih chuan kan leng dun ta a. state changkang ve tak in a ramdang khualzinte hipna tur hmun atana an tih a ni bawk a  ahmun te pawh chu a nuam in  mahni ram a awm ve atan a it awm hle ani.

            Zan kan hun hman hun alo thlen chuan ka thiante hnena ka lo intiam tawh avang in, ka thian-i pawh chu kan hotel atang chuan ka hruaichhuak ve ta ngei a, Programme te kan hmang chho tan a hun ruatsa kan hman zawh chuan Request program an siam a, ahmasa ber atan tuber nge mawni chuan ni, ka thiannu nen chuan zai tur chuan min ti ta tlat mai, chutah ani pawh chu a zak ve ngei aniang a hawi chhuak tha ngam meuh lo. Guitar chu kan hum ven vawn a, hlasak tur a vang khawp mai. Ka thianpa chuan As long as you Love me tih kha rawn thlang leh pek tlat a, thian dang te ho lah an phur tawh nen, ti chuan kan pahnih chuan kan sa ta a, ani pawh chu rin ai tak chuan alo zai thiam khawp mai a,

I dont care who you are

Where youre from

What you did

As long as you love me

Who you are

Where youre from

Dont care what you did

As long as you love me

Every little thing that you have said and done

Feels like its deep within me

Doesnt really matter if youre on the run

It seems like were meant to be            

            tih lai vel phei kha chu,hmangaihna ram ah cheng lo mah ila sak chu nuam ve khawp mai. Programme chu a hit chho zel a, thiante thenkhat pawh chu an in chhaih tawh hlawm a, ka thiannu nen chuan in bekbawr in Hotel lam pan chuan kan chho dun ta a. A tuk kha kan haw hun a nih leh tawh mai si, keini lah kan in nel chho mek ni bawk si, am thiam taka hun hman chu ka tum ran a, dan ngaiin intur lam te kan in dun leh a, zirna lam te eng eng emaw kan sawi hnu chuan room lam ah kan in sawn thla a. A khum ah chuan insi rial in kan thu duna. A chang in kan in fawp leh vawng vawng zel a. Ka room a chhuksan chu ka tum zinga, tawngkam tha in min chelh ziah a, kei chuan ka tum lui duh lo bawk a. Zan a rei tak em avang chuan chhuk tum tak tak in kan in siam tana, mahse amah zawk chuan riak ve maila ,naktuk in haw hma in ka kaitho ang che a ti ta mauh mai. Awi karei tih mai rum rum a chak awm khawp mai, han hnial dawn khan pa lo ka ni ang tih kha ka hlau ve tho bawk si, ka hreh deuh rual rual in chakawm bawk si. A tawp ah chuan inthiamlo tak leh chak tak chung chuan tuipui ral ram nula tawih kiang ah chuan ka mu ve ta a.

            A tuk ah kan haw kawng ah lah chuan thiante chuan min fiam chhen mai a, mahse kan mu dun tih erawh ka thianpa lo chuan an hre chuang lo. A hnu kar tawp dawn ah chuan a hnen atang in mail ka dawnga, Karleh an haw hun anih tawh dawn avangin weekend hmanga lo phei tur in leh a sum sen ngai zawng zawng pawh aman atum tur thu min lo thawn a. A sawmna ang chuan a hun ruat ah chuan Rel station ah chuan min lo hmuak a, Taxi in kan hotel hman thiam lam chu kan pan ta a. A seat hnung ah chuan kan thu dun a, driver hmuh leh hmuh loh pawh kan dawn lo, kan nui, kan hlim a, kan in fawp bawk a. Hotel thlen chuan a mawihnai ah Room te chu ka han book ve na a, A tan tirh room service in min hruai luh bak kha ka lut leh ta lo. A roomah chuan ka in nghat tawp a. A u te pawh chuan tha tak in min be ve mai bawk a. Ni hnih leh zan thum chu mipa te duhthusam chuan hun kan hmang dun a, Khawi hmun hmun emaw ah chhun ah kan kal a, zan ah kan room hman thiam ah kan kir leh a, ei leh in lam lah duhthusam a tui in a mân a buai ngai lo in kan lam a, Damlai pialral kan chen hi ani ringawt mai. Class kal lai ka nih avang in ka haw san leh ta a.

            Thlawhna a haw tur an nih avang in kan awmna chu rel in an chhuahsan angai a, an haw ni alo thlen chuan kei pawh chuan ka hmuh hnuhnun ber tur a ngaiin kan khaw rel station ah chuan ka lo nghak ve a. Vai ho an phu suau suau a chu ti lai kar ah chuan kei chu ngawireng in ka thu a, hun kal tawh a kan hun hman te kan ngaituah kir neuh neuh a. Ka awmdan leh ka hun hman dan chu kei ngei pawn ka in thiam thei lo khawp a, a hun laiin nuam chu ti viau mah ila min kap tu hi a awm tlat mai a. Chutia ka in ngaituah muk lai chuan rel pawh chu alo thleng tan a, a rawn kiu ri ruai ruai tawh a, ka awmhmun te in siam rem in a rawn chuanna compartment lam chu ka pan a, ka thian I pawh chu a rawn in thuam nalh leh ngei mai,kawngka ah chuan lo dinga alo hawi kual nasa mai a. A bul ka va thlen chuan kan han in chibai a ,a seat awm na lam ah chuan kan lut phei a, A u te pawh chu an lo thu ve bawk a, AC a chuang annih avang chuan mi anlo la tlem khawp a. A piah deuh tuma la awm lohna lai ah chuan ah chuan kan in sawn phei a. Duhthaw tak in inhmu  tawh lo tur kan ni tih in hre reng chung chuan chu hun tawi te chu kan hmang a, tawngna hun a awmloa duhthaw leh thlahlel taka in kuah vawng vawng mai loh kha chu .Rel tlan tur chu ari leh ta ruai ruai a, tichuan basket te present min pe a ka chhuksan a, rel chu atawlh chak tulh tulh a, ani pawh alang te tulh tulh a, ti chuan an lan tawp thleng chuan ka thlir a, ani pawh chuan a ban a rawn vai ve lauh lauh bawk a. Vaiho ka bula awm ve ho chuan ka hau hian min lo en ve a, ka awmna lam chu Auto rickshaw chuan ka haw phei leh ta a. Room kan lut a ka thian pa chuan lo nui  vur vur chung chuan mei nei tak chuan min lo fiam nghal pang a. A thil min present te chu kan hawng a, amah nena kan beer in dun thin ang ngei mai chu a awm a, kan thlalak dun te chu alo printout a lo dah teuh bawk a. Han enmai chuan a khawhar thlak angreng hle mai, ka hmangaih ti dawn ila ani thei bawk si lo, thenkhat chuan ‘Love at first sight’ te pawh ani an ti hial mahna mahse kei chuan ka pawm thei chuang lo, mahse zep lo chuan ka ngaina in ka rilru chhungril chu a luah ve khawp mai.

            Ni aliama, hun aliam zel a, thla alo ni der mai. Internet lam atang ten kan la in be chhunzawm ve zeuh zeuh thin a, kum chanve dawn hnu chuan a reh vang vanga, alak atangin engmah chanchin hriatna ka nei lo a, kei lah in ka bepawp hlei thei bawk si lo, tichuan,hun enge maw chen hnu chuan a hnen atang in email ka dawnga ngaizawng   tawn thar thu leh tun ah phei chuan an chen dun thu thleng in a rawn sawi ta bawk a, a chin min rawn hrilh tur leh be tur a hun fian rial a neih loh tu te rawn sawiin, ama hman hun tur remchang sawiin hun a rawn tiama, chumi hun ah chuan kan in kawm dawn nia ati a. A hun alo thleng a,kei pawh chu phur fahran lo chuan laptop hma ah chuan ka thu ran a, a rawn online  ta ngei a, a chanchin eng eng emaw a rawn sawi a,min ngaih zia thu te, a rilru leh ngaituahna ka luah zia thu te min rawn hrilh ve nasa, hnamdang mize dang ramdang kan nih na chuan mi athliar hranglo thei si lo, chu kan pahnih inkar a eng a mah hma a harsatna awm chu a haibik loa, chuvang chuan ani pawn mi dang chu a nei ta a. Dem theih ani lo a, huat theih pawh ani lo ,in biak tawh lo te kan han rawt a, ti chuan kan hun hnuhnung ber tur atan kan in mangtha ta a. Kum aral hnu chuan rinloh tak in alak atang in mail ka dawng a, tah chuan a kawplai nen chuan an inneih thu alo ni a, thlalak te pawh arawn thawn tel a mahse en pawh ka en lo, lawmpuina ka thawn a chumi rual chuan keipawh chuan ka delete ve ta nghal a.

            Khang kan hun hman te kha kum tih tham aral leh ta, rilru ah chuan thi lo mahse inchhir chang ka ngah khawp mai, mi ke pen ruala pen a, khawvel indona kar a tel ve thei tura inbuatsaih tur in chhungten hmun hran ah min awmtir a, ti chung chuan kei lah chuan Pathian huat zawng chu sawi loh, chhungte an hriat atan pawh a zahpui awm khawp in ka lo awm chu ani si a. Bai dai baw harh an tih ang deuh in anih tur anih zawh tawh hnu ah ka inchhir leh a, mahse khua ala tlai lo e, hmalam huna tan chuan Mizo ka ni a ka Mizo pui ngei ka kawp tawh anga, chutih rual in Pathian huat zawng leh mawilo zawng in ka awmpui tawh lo ang tiin ka in siam fel ta a..