Chutia thlawhnaa kan han thlawk tan chiah mai , lei hipna in min han hip lai vel chu nuam tak ani,tu emaw chuan sawi se a aia nuam thil pakhat chauh a awm ati hial mai thei …Hmeichhe chhelo deuh ka bulah thu se, abik takin ka hmeichhe tawn thar te kha lo thu hlauh se ti a beisei taka ka nghah lai chuan Mipa pakhat Pune lam kal tur nen kan thu tlang ta hlauh a. Ka vawikhat chuanna ania tih kha ka sawi hreh si ,mahse engkim kha ka tan chuan thil thar kha ni bawksi, tukverh bulah ka thu a,ka mobile in a video ngat ten kan la nghe nghe a, Chhum kha a zing tam angreng na a, kan tet laia kan lo zir thin Mizoram chu changkha ang ani tih te pawh kha atak in kan hmu thei a, riru a lo lang chu,kan Pi leh put e thlang an lo tlak khan thlem in la kal thla thui deuh se phaizawl leilet ah te hian kana wm ve anga, kan tan pawh chakkhai ilo dap alo awlsam awm zawk sia te kan ti rilru a. kan hlaphuahthiam ten Kan zotlang ramnuam an lo ti pawh hi a dikna mual mual chu awm mahse changkanna lam ah kan hnufual phah sdeuh lo maw kan awmna kil khawr tuk hi tih te pawh ngaituah na ah alo lang a.
Kan han thlawk rei tulh tulh a thawhna an han in her muai muai te kha ka lo rap ru khawp mai a, mahse midang pawh engtin mah an awm hlei nem tiin melh ru zuk zuk pah chuan ka in sum ve hram hram a, rilru ngam tak in ka chuang lo ve khawp mai, tet laia tawlhpanal leh tawlailira chuan pawh kha nuam ka ti fe zawk khami tum kha chuan..Chutah eitur leh intur an lo sem tana, An bottle a tui rawnsem te chu a bottle kha a nalh ka tih em vang in pahnih ka la a, pakhat phei chu ka bag ah ka dah tha daih nghe nghe a. Darkar kan chuan hnu chuan Kolkata khawpui chu alo lang ta uarh mai le, khua a la thim lo bawk a kawnga motor tlan leh mikal te pawh chu an lang chiang thei ta hle mai a, Thlir anuam kan ti khawp a, tet laia ral hla tawka Airbus thlawk kan han hmu a,kutzungte pawh tiat lo in an lang var vo maia, thei pa tawp a au in kan lo bie bie a lactobonbon sweet min lo hawn rawh aw ti paha a lantawp thlen kan au lauh lauh te pawh mitthla ah lo lang thar a, tlema rual u ten,chanphai tang chuan airbus hi a ri pawh ahriat theih a Thlangra tiat in alang thei an tih ngat phei kha chuan aw,champhai kal kan chak zia te kha…..
Kolkata ah antum tur runwaya an han in sawh te kha aw ha, thin hi phu dep dep mai a,chutah leh kan han chhuk a,aruk tak chuan bangalore lam kal tur te chezia kha a ruka en kar kha angai a,bus in min lo hmuaka kan han lut ta a .mi an lo awm deuh thup tawh a, kei lah pek chu a kawng amam tho tiin vawntur pawhchu vuan ta lo chuan pitar hnung ah chuan ka dingve ta al a…Beisei lo tawp thil alo thleng ,eng ti zia nge mawni hmun rualremlo awm nge bus chian loh nge asawrh ta bup mai le ,kei lah in ring hek lo ka hma a piatar ding ,mahni pawh ina in dawm nghet theilo anga tih tur ,thei leh theiloa ding ve tawk tawk hnungah tak mai chuan kan zuk nam dawrh mai chu,a iak ri thawt a,a tarmit leh halema leng dawrh mai chu zahthlak tih piah lam hi ani. khuk theih seng chuanka khu chem Chem ngei ang, min en ta luai luai mai chu zah thlak tih piah lam ani, Vanneih thlak tak in eng tin em a awmlo hlauh a…
Kan han chhuk ta chu.thenkhat te chuan an thawmhnaw lo chhuah nghak in an lo ding thap mai a,kei chuan ka ticket chu show in a thawk pakhat chu ka va be rawn de de a, a lo fel khawp a, tha deuh a min lo bia in, Bangalore kal tur inia,nang chu ti hian lo awm tawp rawh Bangalore ah I thuam chu I la dawnnia tiin min hrila. Tichuan Bangalore lam kal ve tur te bula ah chuan ka awm ve ta a, Hmeichhia vek an nia,an fel in kawma biak te pawh annuam em em a,chanchin te kan in hrilh a kan ti ti liam liama,darkar khat chu alo ral hma khawp mai a.Kan thlawhchhuah leh te pawh ahun dawn tawh a,Chutah amipa awmchhun ka nia tiin,coffee khilai kan tum a,ngati the reng nge mawni an duh lo vek a,mahse keimah in ka in tho mai ang ka ti laklawh tawh ka tia ti chuan coffee no khat ka va lam,Rs 10 kan pe mai chu a nghak tupa ngaihdan ali nilo nasa mai , ani Rs 30 lo niin,chutah ka kalpui ten an lo induhloh pawh kha alo awmhle mai,ka tan pawh a lawmawm hla mai ka ti rilru a…
Tichuan thlawhna lam pan chuan kan chhuak leh ta a, baidai baw harh an tih ang deuh in,bus achuan pawh chuan a nghet thei angber chuan ka in vuan tawh a. kan thlawhna chu aizawl ami ai kha chuan lo lian fe zawka ,mi za tel kan chuan ngei ka ring, airhostess pawh anlo tam suau suau khawp maia,t langmi hmel pawh a awm ve nghe nghe a han biak te poh kan chak viau na a,mahse ti leh lo mai the ang tiin ka insum leh ta zawk a. kan thut na tur ah kan han thuchu Tv te hi kan hma ah alo awmvek chu niin,chuatan earphone te min lo sem veka, kan thlawk tan leh ta a,tun ah chuan a vawikhatna ani tawh bik lo nen ka ngaihangam ve tawha. mahse ka bula thu mi ang em em kha chuan ka muthlu ngam lo thung. Eitur an lo sem a, a tui reuh bawksia,dawhnawn theih se kan ti khawp a,chuan thingpui an lo sem leha,bawnghnute, thingpuife,chini apack vek in an lo sem a ka la double leh vek a chupoh ka hawn duh vang ani…zanlam anih vang in pawnlam erawh athim vek a.hmuh theih a awmloh vangin vai film te chu ka en ve ta ringawt a.darkar chuang fe kan chuan hnu chuan Bangalore chu kan thleng ve ta a, Bus pawh alo ding nuala, tichuan min phur pheiin bungrua chu kan lo chang ve ta a. ka chuanpui te tan a tih sak theih hnuhnung ber tiin an bung rua lo lak pui chu ka tuma. ka bungrua chu alo chhuak hmasa pawl ah atela, tichuan ka lo lak chhuahpui zel a,ahnuhnung ber ah Lengpuia ka tawn thar ta chu alo chuaka.s awsaw ka bag chu ania mahse arit nia aw ti in min hrilh lawk a, mahse kei chuan engah vak ka ngailo.chutah le kan zawn alo thleng chu awlsam tak han khai kan tum chu alo rit khawp mai, ka zo der lo keimah zawk chu ka tlu a conveyor belt chuan bungraw zing ah min tawlh pui ve ta mai chu.mi nuih ka tiza ngang aniang vai ho pawh annui thu maia. kan han in siam fel zawh chuan anni chu ngai chang lo chuan ka in nawr chhuak ta a,ka hmanhmawh luat nge atawpna tan ka hma a kal vaipa ngalrek chu ka va nawr chu niin ,a thinrim hmel khawp mai a,kei chuan nuisang in sorry sir tiin ka kalsan a,ka hlau ve khawp mai kha chu,a palian ropui sia..ti chuan Taxi chu ka la a ,chetsual tam hma in tiin airport chu ka chhuahsan ta nghala. Tichuan kha mi ni ka thlawhna chuan hmasa ber ni zahthlak tak kha nuih tizatu alo nita ani….
1 comment:
Nang hi thu i thiam riau mai a...han ziak zel teh. Dah tha vek bawk la.
Post a Comment